Anaitasunaren harrobia Zubeldia azkoitiarrarekin

Sevillako finala irabazi eta Kopa Gipuzkoara ekartzeko, Realak zaleen indarra eta berotasuna beharrezkoak izango dituela jakitun, horixe luzatu nahi izan die Azkoitiko Anaitasunaren Infantil Txiki taldeak ere argazki honen bidez. Iñigo Oruesagastik zuzentzen duen taldeko gaztetxoek Reala dute eredu eta haren parera heltzea da euren ametsa. «Aupa Reala! Aupa txuri-urdinak! Eta aupa Igor Zubeldia azkoitiarra!», diote harro.