UPV/EHU CoARA Ikerketaren Ebaluazioaren Aurrerapenerako Koaliziora atxiki da

Euskal Herriko Unibertsitateak Ikerketaren Ebaluazioaren Aurrerapenerako akordioa sinatu du eta CoARA koaliziora (The Coalition for Advancing Research Assessment) atxikitu da. Erakundeen koalizio horretara dagoeneko 600 unibertsitate, ebaluazio agentzia eta ikerketa zentroak atxiki dira, gehienak Europakoak, indarrean dauden ebaluazio metodoak erreformatzeko premiazko beharrari buruzko adostasunetik abiatuta. Erakundeen bi heren unibertsitateak dira, gutxi gorabehera; beste herena, berriz, ikerketa zentroak, akademiak, elkarteak eta erakunde publiko zein pribatuak dira.

Ikerketaren arloan proiektuak, argitalpenak eta ikertzaileak etengabe ebaluatzen dira, lehia erregimenean proposamenen kalitatea identifikatuko eta neurtuko duten parametroak kontuan hartuta. Azken hamarkadetan aldizkari zientifikoetako edo talde editorialetako metrikak eta sailkapenak erabili dira. Horiek, zeharka, ekarpen zientifikoen aniztasuna, ezagutza esparruen arteko aldeak, emaitzak zabaltzeko kostu ekonomikoen banaketa eta ikerketaren kultura aitortzen dituzte. CoARAk orain oinarri duen akordioan ikerketaren ebaluazioa erreformatzeko ildo komuna ezartzen da, akordioa sinatu duten autonomia abiapuntutzat hartuta.

Koaliziora atxiki ondoren, Euskal Herriko Unibertsitateak bost urteko epea izango du ikerketa ebaluatzeko mekanismoak parametro berrietara egokitzeko modua ezartzeko.

Eva Ferreira errektorearen ustez, «koalizio hau aukera paregabea da ikerketa jardueraren ebaluazio irizpideei buruzko hausnarketa partekatua eta sakona egiteko. Orain arte, metodo kuantitatiboak erabili dira, eta metodo horien erabilera arduratsua izan behar da, dimentsio kualitatiboago bat txertatuz. CoARAk esperientziak trukatzeko, ezarritako sistemak berriz diseinatzeko eta, azken batean, kultura berri bat zabaltzeko aukera emango digu goi mailako ikerketa ebaluatzerakoan».

• Temas
• EHU