Asteazkenean amaituko da 14. Bakailao txapelketan izena emateko epea

Parte hartu nahi dutenek asteazken honetan, uztailaren 23ra arte izango dute izena emateko aukera, Haginpe, Korrale eta Jim Clark tabernetan nahiz Sanagustin kulturgunean.

Urteroko formatuari eutsiko dio aurten ere txapelketak: parte hartzaileek kilo bat bakailao prestatu beharko dute plazan, 11:00etan hasita (10:45erako bertan egon beharko dute). 40 minutu izango dituzte lana buru-tzeko, eta antolatzaileek emango dizkiete bakailaoa, baratxuria, olioa eta sua. Beste osagai eta tresnak (kazuela, goilarea, perrexila...) parte hartzaileen kontura izango dira.

Prestaketa lanak bi minutuz behin hasiko dira bikoteen artean, eta amaieran, epaimahai batek jakiak dastatuko ditu. Ondoren, herritarrek ere bakailaoa dastatzeko aukera izango dute Azoka Plazan egingo den bazkarian.

Iazko sarien egiturari eutsiko diote: irabazleek bi lagunentzako otordua jasoko dute Jai Alai jatetxean; bigarren sailkatuek, ardo botila bat eta bi txuleta; eta hirugarrenek, Sakona etxaldeko produktuekin osatutako otar bat. Elkarte onenaren saria eskura-tzen dutenek, ohikoa den bezala, goilara ibiltaria jasoko dute.

26 bikotek hartu zuten parte iaz. Arantxa Olazabal eta Maritxu Arteaga izan ziren irabazleak, eta Loiolatxo elkarteko Aitor Eizagirrek, Jon Odriozolak eta Joseba Larrañagak eskuratu zuten elkarte onenaren saria.