Urnieta

Miren Martiarena Barkaiztegi urnietarra, EAJ-PNVko EBBko burukide berria

Miren Martiarena Barkaiztegi (Urnieta, 1981) urnietarra , EAJ-PNVko Euzkadi Buru Batzarreko (EBB) burukide izendatu berri dute, bere ibilbide politikoa eta euskal gizartearekiko konpromisoa sendotuz.

Miren Martiarena Barkaiztegik Gobernu Irekiaren eta Gobernu Onaren zuzendari kargua bete du orain arte Eusko Jaurlaritzako Gobernantza, Administrazio Digital eta Autogobernu Sailean, bertan gardentasuna eta herritarren parte-hartzea sustatzen lan egin duelarik.

2011-2016 urteetan, Gizarte Ekintza eta Berdintasun zinegotzia izan zen Urnietako Udalean, eta berdintasunaren eta gizarte-ongizatearen alde egindako lanagatik nabarmendu zen. EBBko burukide aukeratu izanak harrotasunez bete ditu Urnietako jeltzaleak, «urnietar bat datozen lau urteetan alderdia gidatuko duen taldeko kide izatea ospatzen baitute. Komunitateari mesede egiten dioten proiektuen buru izateko duen dedikazioari eta gaitasunari egindako aitortza. Ardura berri honekin, Miren Martiarena Barkaiztegik EAJ-PNVren baloreekin eta Euskadiren garapenarekin duen konpromisoa berresten du».