Mutriku

Baratzegintzako zalantzak argitzeko txokoa izango da larunbateko merkatu txikian

Mutrikuko Udalak herriko eta inguruko ekoizle eta artisauen lana balorean jartzeko antolatzen duen merkatu txikiaren edizio berri bat ospatuko da datorren larunbatean.

Martxoko merkatu txikia 10.00etatik 14.00etara bitartean burutuko da orain dela gutxi eraberritutako merkatu plazan eta bertan era askotariko hamaika postu izango dira.

Udaletik jakinarazi dutenez, hilabete honetako merkatu txikian ondorengo ekoizle eta artisaek hartuko dute parte: Ibiri, Iratxe lorak, Lamiura, Ekoalboraz, Mikkota Art, Zortziko, Amaia Aberasturi, Anabel Muñozx, K. Amets eta Mutrikuko Institutua.

Nobedaderik nabarmenena Biolandarek azoka plazan egokituko duen txokoa izango da.

Bertan, herritarrek hazi eta landare ekologikoak erosteko aukera izango dute eta, era berean, baratzegintzari lotuta dituzte zalantzak argitu eta informazioa trukatu.

Udalak herritarrak animatu nahi ditu larunbateko merkatu txikira gerturatzera.