Oñatiko EHBilduren herri batzarra «datozen urteetako erronkei behar moduan heltzeko»

EH Bilduk pasa den irailaren 21ean hasiera eman zion III. Kongresu-prozesua eztabaida fasean da. Helburu horri helduta, Mario Zubiaga Oñatiko EH Bilduren Herri Batzarrean izan da komunitateari oinarrizko ponentzia aurkezten. Dokumentuak datozen urteetako erronkei heltzeko bide-orria jasotzen du, burujabetza eta politika publiko aurrerakoiak ipar. Eztabaida fasea amaitutakoan, ponentziari egindako ekarpenak eta zuzenketak abenduaren 19an, 20an eta 21ean bozkatuko dira. Urtarrilean Mahai Politikorako hautagaitzak aurkeztuko dira eta, bozketak egin ostean, otsailean amaiera emango zaio prozesuari Iruñean.