Zinema aire librean Chillida-Leku museoan
Abuztuaren 7an, 8an eta 9an hiru pelikula ikusteko aukera izango da gauez
I. Altuna
Donostia
Osteguna, 17 uztaila 2025, 18:10
Udako gauetarako eskaintza berezia prestatu du Chillida-Lekuk. Abuztuaren 7an, 8an eta 9an museoko belardian hiru film ikusteko aukera izango da. Hain zuen, 'El 47', 'Érase una vez mi madre' eta 'El monje y el rifle' pelikulak proiektatuko dira.
Museoko arduradunek azaldu dutenez, ikusleek egun horietan 19.00etatik aurrera museoa ilunabarrean bisitatzeko aukera izango dute eta proiekzioak 22.00etan hasiko dira. Aire zabaleko zine gauez gozatzeko, museoak hamakak jarriko ditu parte-hartzaile guztien eskura, baina filma eroso ikusteko, beroki, manta edo antzekoren bat ekartzea gomendatzen dute. Sarrerak museoko web orrian eskuratu daitezke.
Abuztuaren 7an 'El 47' filma proiektatu da. Marcel Barrenak idatzi eta zuzendutako pelikula honek disidentzia baketsuko ekintza baten eta 1978an Bartzelona eraldatu eta bertako auzo pobreen irudia aldatu zuen auzo-mugimenduaren istorioa kontatzen du. Manolo Vital autobus-gidaria 47. lineaz jabetu zen Udalaren gezur bat desegiteko: autobusak ezin zirela Torre Barora igo. Keinu hori aldaketaren katalizatzaile bihurtu zen, Bartzelona modernoa eraikitzen lagundu zuen auzo-harrotasunaren eta langile-borrokaren ikur.
Hurrengo egunean 'Érase una vez mi madre' zintaren txanda izango da. Ken Scottek zuzendariaren lana, Parisen, 1963 urtean girotua. Roland, sei neba-arrebako familia bateko gazteenak, malformazio bat du oin batean. Medikuen arabera, ezingo da inoiz ibili, baina bere ama burugogorrak, Estherrek, ez du onartu nahi. Fede hautsiezinaren eta ezohiko ukazioaren konbinazio baten bidez, emakumeak edozein ezbeharri aurre egitea erabaki du bere semea zoriontsu izan dadin.
Azkenik, abuztuaren 9an eskainiko den pelikula 'El monje y el rifle' izango da. 2006. urtean Butango erresuman girotua, hauteskundeak egiteko, gobernuak bozketa-simulazioak antolatzen ditu, herritarrak ezagutzen ez duten zerbaitetarako prestatzeko. Bitartean, Ura hirian lama zahar batek monje bati agintzen dio arma bat lor diezaiola laster izango den erregimen-aldaketari aurre egiteko, baina lortzen duen errifle baliotsua arma bildumagile estatubatuar batek bilatzen duen pieza bat da.
