Legorreta

Amaia Elizagoienek 'Ainarak' ipuin kontaketa eskainiko du gaur

Gaur arratsaldean, 18:00etan hasita, Udal liburutegian, Amaia Elizagoien ipuin kontalariak 'Ainarak' izeneko ikuskizuna aurkeztuko du. Ainarak, edo enarak, txori migratzaileak izateaz gain, duela mende bat Erronkariko emakumeek ere izendapen hori jasotzen zuten. Hauek, udazkenetik udaberrira, Zuberoara joaten ziren bizibidea bilatzera.

'Ainarak' kontakizunean, bidaia zirraragarri bati ekingo dio, Maulera bidean Erronkariko emakumeek elkarri kontatzen zizkieten istorioak ezagutuz. Bide estu eta ilunetan barrena ibiliko dira, baina baita paraje ederren artean ere, haien bizimoduaren pasarteak ezagutuz.