Giro ederrean ospatu zen Irurako play-backa

Irurako San Migel jaiek egitarauaren ikurretako bat berreskuratu zuten ostiral gauean. Plaza ikuslez bete zen bi urteren ondoren Igone Urtaza eta Jon Fernandezek aurkeztu zuten play-back jaialdia ikusteko. Lau taldek soilik parte hartu zuten, baina hala ere giro ezin hobeaz gozatu zuen ekitaldiak. Adin guztietako herritarrek parte hartu zuten dantzan eta ikusleek gogoz animatu eta txalotu zituzten guztiak.