Emakumeentzako 'Autoestimua eta konfiantza' ikastaroa Ahalduntze Eskolan

Anoetako Udalak emakumeentzako Ahalduntze Eskolaren egitarauaren baitan autoestimua eta konfiantza lantzeko ikastaroa antolatu du. Nerea Redondo Otamendik gidatuko ditu saioak, Gaztelekuan emango direnak, astelehenetan 18:00etatik 20:00etara otsailaren 27tik martxoaren 27ra. Parte hartu nahi dutenentzako izen-ematea irekita dago jada 688 761 343 telefonora deituta edo gazteria@ anoeta.eus helbide elektronikora idatzita.

Kukuak Kantuz taldeak Santa Ageda bezpera ospatuko du larunbat honetan, otsailaren 4an. Herritar guztiak animatu nahi ditu kantu-eskean parte hartzera eta horretarako, entsegua antolatu du biharko, osteguna, Gaztelekuan 19:30ean. Larunbatean goizean baserriz baserri joango dira kantuan, 11:00etan abiatuta. Arratsaldean, berriz, plazan elkartuko dira 18:00etan herriguneko kaleetan zehar kantatzeko.

• Temas
• Anoeta