Oiartzun

Udal langileak, Euskaraldiaren alde

Atzo hasi eta maiatzaren 25era bitarte izango da Euskaraldia, 'Elkar mugituz egingo dugu' lelopean. Euskararen erabilera aktibatzeko ariketa kolektiboarekin bat egin dute Oiartzungo Udaleko langileek eta ordezkari politikoek. Hala jakinarazi dute prentsa-ohar baten bidez. Haien egunerokoan edo jardunean euskararen erabilera areagotzeko urrats esanguratsuak emateko konpromisoa hartu dute. Hizkuntza-ohituretan eragitea helburu nagusi duen ekimenarekin bat egitera animatu dituzte herritarrak.