Izarok kontzertu «berezia» eskainiko du Donostiako Belodromoan 2022ko maiatzaren 7an
Sarrerak jada salgai daude eta mallabiarrak jakinarazi duenez hainbat sorpresa izango dira
Izaro kantari, musikari eta konpositore mallabiarrak «bere kontzertu bereziena eta jendetsuena» eskainiko du Donostiako Belodromoan 2022ko maiatzaren 7an 'Limones en el invierno' birari itxiera emateko. Berezia izango da Gipuzkoako agertoki handiena baita, 2021eko biran Izaro ikusi gabe gelditu ziren horientzako «pentsatutako ikuskizuna».
Emanaldirako sarrerak gaur astelehena jarri dira salgai, 20 eta 30 euro bitarteko prezioan, eta mallabiarrak jakinarazi duenez apurka ustekabeko asko iragarriko dira.
BE - LO - DRO - MO - A 💣
Izaro Andres (@IzaroAndres) November 22, 2021
aaaaahhhhhh🔥🔥🔥🔥🔥🔥🔥
ezin dugula sinistuuuuuuuuu 😭
MAIATZAK 7 👑🍋
Sarrerak salgai: https://t.co/OEdJ3mTeby
Z E P O Z I K
💛 pic.twitter.com/6LQ2x7Hjvg
'Limones en el invierno' lana argitaratu zuenetik 76 kontzertu eskaini ditu Izarok, besteak beste Kursaalean egindako seiak, «herriz herri, etxeratze agindu eta itxialdien testuinguru batean, Titanic-eko musikariak bailiran». Ohar bidez jakinarazi duenez, kontzertuaren ostean hurrengo lanari ekingo dio artista mallabiarrak