Getaria

Ane Camposek Athleticen aurrekaldea indartuko du

Athletic Clubek eta Ane Camposek (26 urte) akordioa lortu dute 2029ko ekainaren 30era arte. Getariako futbolaria SD Eibar taldetik joan da Bilbora, bertan aritu baita azken sei denboraldietan, eta erasoko erreferentzia izan da armaginekin Lehen Mailan jokatu dituen 85 partidetan. Fitxaketaren sinadura San Mamesen egin zen, Jon Uriarte presidentea eta Xabi Arrieta kirol zuzendaria bertan zirela.

Lehoi gisa bere lehen egunean, Ane Camposek poztasuna adierazi du: «Oso pozik eta harro nago familia honetara batzeaz, klub honetako kide izateaz. Jokalariekin entrenatzen hasteko gogoa dut, erreferenteak dira txikia nintzenetik, eta haiekin egon ahal izatea ilusio handia da niretzat. Badakit Liga F-n urtez urte gauza asko lortu dituen klub handi batera natorrela, sekulakoa da. Daukadan guztia ematen saiatuko naiz, niretzat ametsa da hemen jokatzea». Athleticen esanetan, «Camposek espazioekin jokatzea du bere bertute onenetako bat eta 13 neurketatan lehiatu denboraldi honetan orkatilako lesio batek geldiarazita. Hala ere, guztiz sendatuta dago».