Urnieta

'Nahastumbury' antzezlana gaur arratsaldean eskainiko da Saroben

Umorezko esketxak eta antzerkiak uztartzen dituen ordubeteko emanaldia eskainiko da gaur Saroben, arratsaldeko 19:00etan. 'Nahastumbury' antzezlana Barrexerka elkartearen eskutik iritsiko da Urnietara. Zuzendariak Maialen Sorzbabalbere eta Mikel Irazusta dira. Aktoreak, Ekain Arrieta, Graxi Arregi, Nerea Aranburu, Amaia Iraundegi, Amaia Rojo, Mikel Irazusta, Maialen Sorzabalbere eta Garazi Mitxelena.

«Pertsona batek, laguntasun batek, untxi batek, lokal batek... guztiak du bere historia. Ezberdina izaten da, ordea, benetako historia eta horretaz gogoratzen dena. Auzoko bizilagunek teoria hori egiaztatzen dute maiz, baina ezin daiteke asko fidatu haien ahotik irteten denaz. Froga gehiago behar izanez gero Nahastunbury-ra joateko gonbita luzatzen dute».