Ehiza denboraldiko balorazio bikaina egiten du Oreiña elkarteak

Ehiza denboraldi borobilari amaiera ematera doaz Ezkio-Itsasoko Oreiña elkartekoak. «Pasa den azaroaren 20an usoaren ehiza garaia bukatu zen, aspaldian izan dugun emankorrena izan da zalantzarik gabe, badira urteak ez genuela horrenbeste ehizatzen eta oso balorazio positiboa egiten dugu», azaltzen dute pozik elkarteko kideek.

Orain, erabilitako ehiza postuak garbitzeko garaia heldu da, baita ere, denboraldiari festa giroan agur esateko unea.

Aurreko urteetako ohiturari jarraituz, Oreiña elkarteak ehiza postuak kokatzen diren lur eremuetako jabeekin eta hauen mugakideak diren lurretako jabeekin bazkaria ospatuko dute. Hitzordua datorren abenduaren 7an izango da, asteazkena, Santa Lu-tziko Agirretxe jatetxean. «Elkartetik bazkari hau eskaintzen diegu beraien lur esparruetan ehizak sortzen duen joan-etorria jasaten dutela eskertu nahian», azalzen dute Oreiña elkartekoek. Bide batez eta lerro hauen bitartez, beraien ekintzekin beti azaltzen duten begirunea esker-tzen diete udalerriko lurjabeei.