Idoia Asurmendi igande honetan, gaztelekuko 'matinée'-tan
Sarrerak eskuragarri daude dagoeneko
Igande honetan, matinée kontzertua izango dugu berriz eguardiko 12:30etan Verdury Hall gaztelekuan. idoia Asurmendi abeslari aramaoiarrak 2024ko martxoan aurkeztutako 'De amar y desandar' lana ... aurkeztera etorriko da Oñatira. Aurreko diskoetan egin duen bezala, piano musika lasaia, gitarra eta perkusio soinuek bere ahots atsegina laguntzen jarraitzen duten arren, berrikuntza batzuk proposatu ditu Idoiak lan berri honetan.
Honen erakusle da, Haritz Olaeta abeslari oñatiarrarekin batera aurkezten duen 'Sarearena' abestian, ahots eta doinu lasaia, rap ikutuekin tartekatzea erabaki izana.
Gaztelekuko matineé-ak aukera paregabea dira kontzertu txiki eta hurbilekoak ikusteko.
Sarrerak eskuragarri daude Txokolateixan eta oñati.eus web gunean, 10€-ren truke. Egunean bertan, leihatilan 12€-tan egongo dira.
¿Tienes una suscripción? Inicia sesión
