Aretxabaleta

Marea berdea Aretxabaletako kaleetan

Urteroko hitzordua betez, marea berdeak Aretxabaltako kaleak astindu zituen larunbatean Kurtzebarri eskolako jaiaren eskutik. Eekitaldi ugari izan ziren egun guztian zehar, heldu eta gaztetxoen gozamenerako. Irakasle eta gurasoen lankidetzari esker, eta batukadaren erritmoaz girotuta, «egun benetan ederra» ospatu zutela azpimarratu dute ikastetxetik. «Eskola publikua, gure eskola, historian zehar irabazitako lorpenik haundixena da, danontzat eraikia. Aniztasuna eta hezkidetzan konprometitua, kalitatean oinarritutakua, ta nola ez, euskalduna. Ta hau hola izeten jarraitzeko lanien jardungou!», nabarmendu zuten.