Lehen Zapia, Maialen Lujanbiorentzat

Lujanbio, zapiarekin./
Lujanbio, zapiarekin.

Irabazlearekin batera Uxue Alberdi, Sustrai Colina eta Agin Laburu aritu ziren bertsotan

IRAOLA ZALDIBIA.

Iragarria zegoen eran, joan den asteburuan, Lehen Bertso 'Zapiketa' jokatu zen Zubi-Buru elkartean, parte-hartzaile hauek zirelarik: Uxue Alberdi, Sustrai Colina, Agin Laburu eta Maialen Lujanbio.

Alaitz Sarasolak zuzendu zuen saioa, gai-jartzaile moduan.

Elkarteko lokala gainezka zela egin zen ospakizuna, baziren kanpotik etorritako batzuk ere; bertso-saio onak izan ziren, jendeak erruz disfrutatu zuen, eta bertsolariek entzun zuten txalo-zarta ederrik.

Entzuleen bozketaren bidez aukeratu zen Zapiduna, eta Maialenek jaso zuen botorik gehien.

Hitzaldia bihar

Bihar, osteguna, Jabier Larrañagaren hitzaldia izango da Kultur Etxean, arratsaldeko 19:00etan, Zaldibia Herrigintza udal taldeak antolaturik, honako gai honen gainean: 'Zerga-politika justizia sozialaren zerbitzuan'.

Fotos

Vídeos