Bertso saioa gaur eta inauteriak bihar, Gazte Pikuk antolatuta Legorretan
ESNAL
Viernes, 20 de febrero 2015, 01:24
Gipuzkoako bertsolari txapelketarako beroketa saioa izango da gaur gaueko 22:30etan, Legorretako Gaztetxean, Gazte Pikuk antolatuta. Bertan hartuko duten bertsolariak hauek dira: Julen Agirre (Beasain), Maialen Akizu (Urre-txu), Amaia Iturrioz (Urre-txu), Aitor Irastorza (Zaldibia), Odei Lopez (Legorreta) eta Aratz Igartzabal (Gabiria). Gaijartzailea, Ainhoa Mujika izango da. Sarrera euro 1.
Bihar, larunbata, Legorretako Inauteriak ospatuko dira Gazte Pikuk antolatuta ere. Eguerdiko 12:30tan, Txoixo Jate Solidarioarekin hasiko dute festa. Irabazten den dirua, herritarrei lagun-tzeko izango da. 14:00tan: Patata tortilla txapelketa burutuko da herriko plazan eta ondoren Herri Bazkaria. Arratsaldeko 16:30etan, Buruhandiaren saioa eta gero, Karropoteoa Arantxa tabernatik hasita eta gaueko 22:30etan, Kontzertua izango da Gaztetxean, 'Kontrabänd' taldearekin.
