Chillida Lekuk erakusketa berri bat inauguratuko du otsailean

Urte berezia izan da 2024a Chillida Leku Museoan. Aurten, Eduardo Chillidaren jaiotzaren 100. urteurrena ospatu da, eta erakusketa berezi bat izan da ikusgai, 'Eduardo Chillidaren 100 urte Telefónica Bilduma'. Erakusketa handi honek Teléfonica konpainiaren ondare artistikoak jaso dituen eskultorearen pieza sorta handi bat bildu ditu. Teléfonica aitzindaria izan zen 80ko hamarkadan korporazio-bildumatzearen alorrean eta gainera, 2024ean ehun urte bete ditu ere bere sorreratik.

Mendeurrenaren urtea ixtear, museoak datorren urtera begira beste erakusketa berri bat zabalduko duela iragarri du. 'Harri - Lurra - Huts' izenburua izango duena. Eduardo Chillidaren unibertso materikoa lurraren eta harriaren ikuspegitik aztertuko duen erakusketa honek, otsailetik aurrera.

Museoko iturriek jakinarazi dutenez, erakusketak ehun bat pieza bilduko ditu, besteak beste, 'Lurrak' txamota lurrezko eskulturak, hainbat harri motako eskultura monumentala eta formatu txikikoa, eta lan grafikoa zementua edo marmola bezalako euskarrietan.

Lanak Zabalaga baserrian erakutsiko dira eskala eta materialaren arabera ordenatuta, eta elementu bakoitzak bere espazio propioa izango du bere nortasuna indartzeko, harria eta lurra eskultorearen ekoizpenean aldizka nola agertzen diren islatuz eta material horiek artistaren eskuetan duten «izaera eraldatzailea» gogora ekarriz.

Artista gipuzkoarraren ekoizpenean funtsezkoa den burdina bigarren mailan utzita, erakusketak «harriaren eta lurraren ezaugarri adierazkorrak eta metamorfikoak aztertzen ditu». «Material horiek, Chillidaren obran, naturaren indar sortzailea eta kultura guztientzako adierazgarria dira historian zehar», gaineratu dute.

• Temas
• Chillida Leku