Idiazabal

Aurtengo Gazta Azoka maiatzaren 3an eta 4an ospatuko dute

Udalak antolatutako Gazta Azoka maiatzaren 3an eta 4an ospatuko dute aurten, eta, ohiko moduan, gaztagileen salmenta postuez gainera, artisauen azoka ere izango da herriko kaleetan. Bertan parte hartu nahi duten artisauek edota postua jartzeko interesa dutenek, eskaera orria bete eta Udaleko egoitza elektronikoaren bidez erregistratu beharko dute.

Eskaera egiteko, artisauek Ogasunean eta Gizarte Segurantzan zorrik ez izatearen ziurtagiriak aurkeztu beharko dituzte. Eskaerak aurkezteko epea apirilaren 4ra arte egongo da zabalik, eta, beraz, interesa dutenek azkar egin beharko dute izena emateko.

Aurtengo Gazta Azoka, urtero moduan, herriko eta inguruko artisauen lana ezagutarazteko eta bertako produktuak sustatzeko aukera paregabea izango da. Gainera, bertaratzen diren herritar eta bisitariek, azokara gerturatzen dituzten produktuak dastatzeko aukera izango dute, ospakizun eta jaialdi jardunaldi batez gozatzen duten bitartean.