Tolosa Goierri

Euskararen Eguna ospatzeko hainbat ekitaldi egingo dira

Euskararen Egunarekin bat egin du Alkizako Udalak eta hori ospatzeko hainbat ekitaldi egingo dira datozen egunetan. Bihar ostiralarekin bakarrizketa saioa egongo da udaletxeko Ganbaran 19:00etan. Bertan parte hartuko dute Mirari Martiarena, Ander Malbadi eta Esti Curielek.

Hurrengo ostiralean, hilaren 12an, pintxo lehiaketa eta bingo musikatua antolatuko dira frontoian. Biak parte hartu nahi duten herritar guztiei zuzenduta egongo dira. Lehiaketa 17:30ean hasiko da eta, ondoren, bingoa izango da.

Udalak Jubilatuen Txokoa martxan jarri du Donjuanena etxean. Ostiraletan egongo da irekita 16:00etik 17:00etara. Bertan, memoria lantzeko jolasak egingo dira, herrikideekin harremanak sendotzeko aukera eskainiz eta giro onean denbora dibertigarri bat pasatzeko. Ekitzetan parte hartzea librea eta doakoa da nahi duten alkizar guztientzat.

Urmara Museoko arduradunek jakinarazi dutenez, udaberrira arte museoa itxita egongo da. Negura igaro ostean, programazio berriarekin itzuliko dira.