Kontsumobidek eta UPV/EHUk lankidetza-hitzarmena berritu dute

Kontsumobide eta Euskal Herriko Unibertsitateak (UPV/EHU) bi erakundeen arteko elkarlana bideratzen duen lankidetza-hitzarmena berritu dute Jaurlaritzaren Kontseiluak, Turismo, Merkataritza eta Kontsumo Sailak proposatuta, hala onartu ostean. Bi erakundeek sinatutako hitzarmena ez da Kontsumobide eta UPV/EHUren harreman eremuak ezartzen dituen lehena.

Berau 2014an adostu zen eta ordutik Euskadiko kontsumitzaileen kontsumoaren eta babesaren inguruan ekimenak batera egin dituzte, zehazki, erantzukizun zibilaren, jasangarritasunaren, ezagutza-transferentziaren, prestakuntzaren eta balioetan oinarritutako hezkuntzaren alorrean. Orain, 2020an egin bezala, asmoa eta helburuak berretsi ditu akordioak. Hala ere, pandemiaren inguruabarrek ezinezko egin zuten hurrengo urteetan baterako jarduerak gauzatzea.

Orain, hitzarmena berrituta, baterako lan teknikoari berriro ekin ahal izatea da asmoa eta unibertsitateko publikoarentzat kontsumo arduratsuari buruzko prestakuntza-proposamen berriak abian jartzea. Akordioak, izan ere, UPV/EHUk eta Kontsumobidek abian jar dezaketen ekintza bateratu ororen esparru izan nahi du: lanaldi puntualetatik hasi eta datorren ikasturtean hasiko diren prestakuntzetara, aholkularitzatik pasatuta.

Besteak beste, aro honetan erakundeen arteko eta diziplinen arteko foro bat jarri dute martxan kontsumoko gaietan gaur egungo arazoei buruz jarduteko eta joera nahiz jarrera berriei erantzunak emateko. Era berean, erantzukizun sozialaren, ezagutza-transferentziaren, prestakuntzaren eta balioetan oinarritutako hezkuntzaren alorrean hainbat ekimen egin dira ia 10 urte hauetan.

• Temas
• Kontsumobide
• UPV