Gorputza bero, burua hotz

Yoga Indian sortu zen, eta mendeetan zehar izan duen arrakastak, nazioartera zabaltzera eraman du kirola. Yoga sanskritoko hitza yuj aditzetik dator, eta meditazioari eta hausnarketari erreferentzia egiten die. Kirolaren aldaeretako bat da Bikram Yoga. 26 postura lantzen dituzte, 40.6 °C-an.

Donostiako Bikram Hot Yoga zentroan, Antiguoko auzoan, Leire Barandiaran ikasleak nabarmentzen du kirol honek erakutsi dizkion buruko indarra eta erresistentziarako gaitasuna. «Lesio gutxiago eta erraztasun handiagoa posturak egiteko» nabaritu ditu, eta «buruaren eta gorputzaren arteko konexioa bereganatzen» lagundu dio kirolak.