

Secciones
Servicios
Destacamos
Hotzak ez zuen Kilometroak festako inaugurazio festa eten. Errenteriarrak prest daude, baita ere, neguko arratsalde kaskarragoetarako. Denek dakiten bezala, hitzordu nagusiena urriko lehen igandean ospatuko da, aurten 1ean, baina antolatzaileak urte osoko jaia izan dadin lanean ari dira. Ohiko ezaugarriak aldatuta, egun bakarreko jaia izateari utzi dio festak eta egitaraua jarduera ugarik osatuko dute urte osoan zehar.
Larunbat honetan egin zena lehenengoa izan zen, seguruenik hotzena eguraldiagatik baina beroena parte hartu zuen jendetzarengatik. Bereziki haur eta gazteei zuzendutako ekimena izan zen, gurasoek parte hartu bazuten ere, eta ez bakarrik Orereta Ikastolako komunitateak, herritar ugari batu zen festara.
Jaia bi tartetan bereizi zen, betiere Oiartzun ibaia ardatz hartuta. Hasteko, 16:30etik 18:30era, adinaren arabera antolatutako bi gune izan ziren nagusi: Gabierrotako Evaristo Bozas parkea eta Gernika plaza. Lehenengoan, Haur Hezkuntzako eta Lehen Hezkuntzako laugarren maila arteko haurrentzat jolasak eta tailerrak izan ziren, baita txokolatada ere gorputza berotzeko. Bigarren gunean, aldiz, gaztetxoak bildu ziren, Lehen Hezkuntzako bosgarren maila eta DBH bitarteko ikasleak. Ginkana eta merienda izan zuten. Familia giroan gozatu zuten jaiaren hasieraz.
Guneetako jolas eta jokoen ostean, 18:30ean guztiak errioruntz abiatu ziren musikaz lagunduta, eta ordu erdi geroago, Panierreko eta Lekuonako zubien arteko ibaiertzak beteaz, ibaia argiztatu zuten.
Ondoren, Linon eman zioten amaiera inaugurazio jaiari, 19:30etik 20:30era bitartean egin zen festatxoarekin. Jan-edanak, musika eta abar izan ziren herritar guztientzat. Amaitzeko, zezen suzkoa agertu zen eta guztiak korrika eta garrasika hasi ziren, festa giroan.
Hurrengo asteazkenean aurkeztuko dira urteko egitaraua osatzen duten beste jarduerak. Jaia hasi besterik ez da egin. Erriola itsasoratu da Errenterian.
Publicidad
Publicidad
Te puede interesar
La víctima del crimen de Viana recibió una veintena de puñaladas
El Norte de Castilla
Publicidad
Publicidad
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.