100 urte 100 mendi, zaletasun baten urteurrena

Euskal Herriko mendi federazioak aurten bere 100. urteurrena dela ekitaldi desberdinak antolatotu ditu. Horien artean, datorren asteburuan, apirilaren 27 eta 28an, Euskal Herriko ehun mendi talde baino gehiago igoko dira zazpi herrialdeetatik aukeratutako 100 tontorretara.

Esaterako, larunbatean hilak 27, Uzturren izango dira Alpino Uzturrekoak argazkia ateratzen goizeko 11:00etan. Egun berean, Urdaburukoek Zuberoko Arthanolatze mendia igoko dute 100 urte 100 mendi izenpean, bertan argazkia aterako dutelarik. Ez dira bakarrik izango.Asteburuan zehar Zumaiako Indamendi mendi elkartekoak Artzamendira; Donostiako CDFortunakoak Baigurara eta Club Vasco Campingkoak Izarbe eta Peñablancara; Mendi zaleak Herniora eta Itsastarrak Herniora; Antiguo CMkoak Murugilera; Amasa-Villabonako Aizkardikoa Etxekorteara; Beasaingo Erronka Bila Okabera; Zegamako Ameztikoak Aketegira; Elgoibarko Morkaiko MEkoak Erlora eta Irungo Mendizaleak Jaizkibel. Hernaniko Mendiriz MEkoak Adarrara; Oñatiko Aloña Mendi Andartora; Legazpiko Izadi Zaleak MEkoak Irimora; Irungo Erlaitz ME Erroilbidera; Aralarko adiskideak Balerdira; Urretxuko Ernara MT Puttarrira; Arrasateko Besaide Udalatxera; Eibarko KD-MT Urkora. Arbainera joango dira Bergarako Pol pol MT eta Gorla A Taldekoak, Idiazabal KE eta Ordiziako mendizaleak. Orioko Talamendikoak Gorbeiara joango dira eta GMB Goierriko M. Beteanoak Cruz de Aldara.

2024a urte berezia dela mendizaleentzat gauza jakina da. Mendizale eta mendi federazioentzat. Horregatik egitaraua berezia eta zabala prestatu zuen Euskal Mendi federazioak lurralde bakoitzeko federazioekin. Urtarrilaren 15ean hasitako urteurren berezi hau ospatzeko eta Iruñean zabaldu zen. Egun horretan hasita eta otsailaren 8ra arte Iruñeko Planetarioan 'Gailurretan izan gaitun/Nos queremos en las cimas' erakusketa ikusgai egon zen. Erakusketa horren helburua da emakume mendizale, alpinista, eskalatzaile eta aitzindariak gogoan izango dituzte Euskal Herriko mendi federazokoek, «gure federazioaren bizitzan izan zuten parte-hartzea ikusaraztea eta aitortzea da». Hogei panelek jasoko dute informazioa, argazkiak eta bestelakoak euren lorpenak nabarmentzeko. Iruñetik Leioara joan zen, Ugaotik pasatuz Donostiara iritsi baino lehen. Okendo kultur etxean egongo da maiatzaren 10era arte, ondoren Elgetan (maiatzaren 13tik 31ra).

Bestalde, 40 urtetik gorako ibilbide jarraitua duten federatu arabarrak aintzatetsiko dira, urrezko intsignia eman zaie ekitaldi desberdinetan. Tartean, Euskal lurraldeetako, Nafarroako eta Eus-kal federazioetako zuzendaritza batzordeek eta Iparraldeko mendi taldeek Euskal Herriko lurraldeetako sei tontorrak bisitatu dituzte hainbat eta hainbat mendizalek: Gorbeia, Aketegi, Hiru Erregeen Mahaian, Artzamendin, Orhin eta Okaben.

Euskal Mendi Federaziotik garbi dute «azken 100 urtetan aldatu ez den zerbait dago: gure mendizaletasuna. Mendia gure kulturaren zati bat da eta Euskal Herria bertako mendirik gabe ez litzateke berdina izango. Herri honen arimaren beste zati bat da, izan ere, nor gehiago eta nor gutxiago mendizale dira».

«Duela 100 urte gure Federakundearen ibilbidea batuta hasi genuen. Hegoaldeko mendizaleek erakunde bakar eta oso bati hasiera eman zioten 1924ko maia-tzaren 18an, batasun honek gure ibilbidearen gehiengoan pisu handia izanda, frankismo garaia barne; pasaden mendeko 80. hamarkadan ezarritako lege autonomiko batzuek, eta hauen gaineko interpretazio zehatzek, honen banatzea eragin zuten arte», aitortzen dute EMF. «Mendeurren honen ospakizuna, denok elkarrekin, bi federazio autonomikoen arteko hurbilketa, hausnarketa, garapen eta elkarlana protagonista izan diren urte ugariren emaitza da, lan-organo komun baten esparruan: Euskal Herriko Mendi Biltzarrean», diote federaziotik. Helburu horrekin beste 100 urte gehiagon bila doaz.