Jokin Ayerregaray, sare sozialetan modaz hitz egiten duen komunikatzailea
Moda munduan euskarak duen hutsunea betetzeko jarri zuen 'Astindu ganbara' bloga martxa. Gaur egun, Jokin Ayerregaray modaz euskaraz mintzatzen den 'instagramer' bakarra dugu Gipuzkoa mailan
Comenta
Modaz euskaraz hitz egiten du Jokin Ayerregarayk. Hutsune bat betetzeko helburuarekin ireki zuen 'Astindu Ganbara' webgunea duela bederatzi urte. Orain, proiektu hori Instagram kontuan bilakatu da. Sorkuntza eta artea ditu gustoko, eta komunikatzaile lanbidea garatu du diseinu ikasketekin batera. Janzkeraz, moda jasangarriaz, 'fast-fashion'-az, lekuko disenatzaileetaz, ekitaldietaz eta azken tendentziez hitz egin du lasartear honek bere plataforman, bere bi pasioak uztartuz: moda eta euskara.
Hitz egin dezagun gaurkoan gipuzkoar honekin.
