Haurren bozken ostean, sari-banaketa
Juul literatura-hauteskundeak ikastoletan irakurtzeko zaletasuna bultzatzeko jarduera da, Nafarroako Ikastolen Elkarteak urtero antolatzen duena
DV
Larunbata, 28 maiatza 2022, 13:57
Haurren artean irakurtzeko zaletasuna bultzatzeko antolatutako Juul literatura-hauteskundea apirilean egin ostean, sari-banaketa ekitaldia aurrera eraman du Ikastolen Elkarteak. Orotara Euskal Herriko 16.600 ikasle inguruk hartu dute parte hauteskunde hauetan, Arabako, Bizkaiko, Gipuzkoako, Nafarroako eta Iparraldeko ikastoletan ikasten duten Haur Hezkuntza, Lehen Hezkuntza eta DBHko haur eta gazteek.
Benetako protagonista ikasleak izanik, aukeraketa egiteaz gain, hauteskunde-mahaian lehendakari, mahaikide eta idazkari lanetan beraiek aritzen dira. «Horrela, aldi berean, hauteskunde-prozesu bat zer den ikasten dute», azaldu dute antolatzaileek.
24. edizio honen sari banaketan jarraian aipatzen diren gazteak izan dira sarituak: Amaia Egidazu 'Dorotea' liburuagatik, Almudena Cid' Minutu eta erdiko munstroak' liburuagatik, Ibon Martin 'Onin eta denboraren makina' eta 'Onin mitologiaren lurraldean liburuak' liburuengatik, Enara Garmendia 'Hiru gara, baina niri bost!' liburuagatik, Jasone Osoro 'Go!azen', 'New York, New York' eta 'Festa' liburuengatik; Estibaliz Vivanco' Argixorgin' liburuagatik, Jon Arretxe 'Beti Iparralderantz' liburuagatik eta John Andueza 'Magali ez dago bakarrik' liburuagatik.
Bestetik, ilustratzaileen artean Emmanuel Montiel, Eider Eibar eta Joseba Larratxe 'Josevysky' izan dira sarituak.
Bakoitzak Fernando Pagola artistak egindako Juul saria jasoko du.
Ekitaldian izan dira, besteak beste, Aritz Azcarate, Garcés de los Fayos Ikastolaren lehendakaria; Elena Zabaleta, NIEren lehendakaria; Irene López-Goñi, NIEren arduradun pedagogikoa, aurkezle-lanetan; Jesus Arrizubieta, Tafallako alkatea eta Mikel Arregi, Euskarabideako zuzendari-gerentea.
