Lesaka bertsoz beteko da larunbatean

Txapelketatko finalekin batera azken urteotan bertsozaleek agendan gorriz markatua den eguna, Bertso Eguna, larunbat honetan izango da. Iaz Gernika-Lumon antolatu ostean aurten Lesakan izango da eta sarrerak oraindik eskura daude. Hilabete luzez aritu dira lanean Bertsozale Elkartea eta Bortzirietako Bertso Eskola egun osoko egitaraua prestatzeko.

Jaia goizeko 10:00etan hasiko da Oinak Bidean ibilbidea eginez. Harriondoatik hasiko da eta ondoren, bertso-poteoa egongo da eta hainbat bertso eskolatako kideek kantatuko dute. Eguerdian luntxa egingo da Arranon, 14:30etik aurrera.

Arratsaldeko jaialdian bertso gehiago entzuteko aukera izango da: XXI mende, 25 (H)illbetz bertso saioa izango da Harriondoan. 17:00etan hasiko da. Kantuan, Alaia Martin Etxebeste, Amets Arzallus Antia, Julio Soto Ezkurdia, Maddi Ane Txoperena Iribarren, Nerea Ibarzabal Salegi eta Peru Abarrategi Sarrionandia ariko dira; gai-jartzaile lanetan, berriz, Alaitz Rekondo Ferrero.

Saio ostean ere izango da festa giroa. 20:30etik aurrera, afaria egongo da sagardotegian. Eta afalostean, Manex Pagola eta Hor gu-ren bertso jarriak izango dira. Eguna biribiltzeko, DJ-a egongo da Arranon.

Arratsaldeko ekitaldirako zein afarirako sarrerak eskuragai daude bertsosarrerak.eus atarian. Ekitaldiko sarrerak 12 euro balio du, Bertsozale Elkarteko bazkideentzako 10 euro eta gazteentzako 8 euro; afaria, berriz, 36 eurokoa izango da.

• Temas
• Bertsolaritza