Zumaia

Urdaburuko tontorrera larunbatean Indamendirekin

Ugaldetxo jatetxearen (Hernani) eta Barrengoloiaren (Errenteria) arteko ibilbidea antolatu du Indamendik larunbat honetarako, hilak 22. Tartean, Urdaburuko tontorra (599 metro) igoko dute. Goiz bueltako irteera izango da, eta guztira, 8 kilometroko ibilbidea osatuko dute, 530 metroko desnibel positiboa eta 380 metroko desniblel negatiboarekin. Hamaiketakoa eramatea gomendatu dute antolatzaileek.

Autobusa 08:00etan aterako da Patxita Etxezarreta kaletik (Kantauri plazako geralekutik) eta doan da, Zumaiako Udalaren laguntzari esker. Arroan eta Zarautzen autobusa geratzeko aukera dago, beti ere, aurrez abisatuz gero indamendi1@gmail.com-era. Aldatzeko oinetakoak eramatea gomendatzen da, autobusa hainbeste ez zikintzeko.

Izena emateko epea bihar, osteguna, 17:00etan amaituko da. Interesa dutenek mendi bazkunaren webgunearen bidez eman dezakete izena (https://indamendimb.eus/urdaburu8-eus/).