Santelmoetako haur danborrada

Jai giroan murgilduta daude zumaiarrak ostiraletik, eta gaur eguerdian haurrak izan dira protagonistak. Lakatz elkarteak antolatuta, santelmoetako haur danborrada ospatu da.

280 haurrek parte hartu dute desfilean, batzuek danborrak jo dituzte hitzordu handirako entseatutako piezen doinura eta Zumaiako Udal Musika Bandarekin batera, beste batzuek saskia, arrauna edo salabardoa eraman dute konfeti koloretsua botatzen zuten bitartean; beste batzuek banderak astindu dituzte ibilbidean zehar eta kofradiako balkoian; eta txikienek, berriz, karrozan igota egin dute ibilbidea.

Gaur gauean, danborrada bereziaren txanda izango da, eta bandera kofradiatik igoko dute. Bihar, berriz, San Telmo eguna ospatuko dute herrian, eta ohiko prozesioa egingo dute ermitara.

• Temas
• San Telmo
• Zumaia
• Tamborrada