Zumaia

'Eta feminismoen ikuspegitik ere interferitzen badugu? Zaintzan eta askatasunean oinarrituko den hezkuntza baterako bideak' hitzaldia gaur

'Eta feminismoen ikuspegitik ere interferitzen badugu? Zaintzan eta askatasunean oinarrituko den hezkuntza baterako bideak' izeneko hitzaldia eskainiko dute gaur, 18:30ean, Emakumeon* Etxean. Irati Leon Hernandez eta Maria Sagasti Hernando izango dira hizlariak.

«Hezkuntzak ez ditu soilik ezagutzak transmititzen: balioak, harremanak eta mundua ulertzeko moduak ere eraikitzen ditu. Feminismoen ikuspegitik, esku-hartze hezitzaileek aukera dute zaintza eta askatasuna uztartzen dituen eredua sustatzeko», azaldu dute antolatzaileek. Hitzaldi honetan hezkuntza-eredu horretarako gakoak aztertuko dira.

Bestalde, Erkibek antolatutako hitzaldi zikloaren bigarren saioa egingo dute gaur arratsaldean. Hala, 'Inteligencia Artificial: Qué es, para qué sirve y por qué nos afecta. Oportunidades de la Inteligencia Artificial en nuestro día a día' izenburupean, solasaldia eskainiko da Alondegiko Oxford aretoan 18:30ean hasita. Basque Artifizial Intelligence Center-eko zuzendari nagusia den Laura Marronek zuzenduko du saioa.