Txitxarroaren kuota asko murriztu du Europar Batasunak 2023ra begira
Berdelaren kuota handitu izana albiste ona da Getariako arrantzaleentzat
JUAN MARI ZUBIAURRE
Ostirala, 16 abendua 2022, 00:17
Europar Batasuneko Arrantza ministroek 2023rako arrantza kuoten inguruko adostasuna lortu berri dute eta Getariako arrantzaleentzat albiste onak eta txarrak ekarri ditu.
Berdelaren kuota %20 ... handitu diete Bizkaiko eta Gipuzkoako arrantzaleei iazko zenbatekoekin alderatuta eta legatzarena %10. Berdelaren kasuan 29.439 tona arrantzatu ahal izango dituzte datorren urtean eta legatzaren kasuan 9.953 tona.
Txitxarroaren kuotari, berriz, murrizketa handia ezarri diote. Txitxarroaren arrantza kuota %95 murriztu du Bruselak. Joan den urtean, 70.000 tona txitxarro arrantzatu ahal izan zituzten Kantauri itsasoan. Aurtengoan, ordea, 3.271 tona harrapatu ahalko dituzte, urte honetan arrantzatutakoaren %4 inguru.
Egun hauetan egindako bileran ez dira hegaluzearen eta antxoaren kuotak adostu. Horiek dira euskal arrantzaleen espezie nagusiak eta erabakiaren zain geratzen dira.
¿Tienes una suscripción? Inicia sesión
