Getaria
Getariako triatloirako boluntarioak lortu nahi ditu antolakuntzakMaiatzak 18an egingo da proba eta ordurako zirkuitoaren segurtasuna bermatzeko jendea behar dute Getaitrikoek
Maiatzaren 18an, arratsaldeko 16:00etan hasita, egingo da 2024ko Getariako Triatloia bere zortzigarren edizioan. Getaitri Getariako Triatloi Taldetik jakinarazi dutenez, antolakuntzan dihardute eta egun horri begira, zirkuituaren segurtasuna bermatzeko, laguntza beharko dute aurreko urteetan gertatu den bezala.
Boluntario lanak egiteko prest dauden herritarrei, getariakotriatloia@gmail.com helbidera edo 662 322 164 WhatsApp zenbakira ondorengo datuak bidaltzeko eskatu diete: izen-abizenak, NAN zenbakia, telefono zenbakia, emaila eta kamisetaren neurria.
Aurtengoan ere, laguntzaileen artean Getaitri taldearen eta probaren babesleen hainbat lote eta produktu zozkatuko dituztela gogorarazi dute. Horrez gain, boluntarioek Getariako triatloiko kamiseta bana jasoko dute eta norgehiagokaren osteko parrilladara gonbidatuta daude.
Gogoratu hasieran maiatzaren 4an zirela egitekoak Getariako Traitloia baina klubaren esku ez zeuden kanpo faktoreek eraginda 18ra pasa zen. Une hauetan 135 triatletak eman dute izena eta egin nahi dutenek rockthesport. com-en egin dezakete.
