Poesia erreziltaldiarekin hasi dira Azpeitiko Liburutegiaren 60. urteurreneko ekitaldiak
Irakurketa saioak, hitzaldiak, haurrentzat ipuin kontaketak eta bestelakoak antolatu dituzte hainbat eragilerekin elkarlanean
Azpeitiko Udal Liburutegia 60 urte betetzear dago. 1964ko apirilaren 5ean zabaldu zituen ateak eta hurrengo egunean hasi zen herritarrei zerbitzua ematen. Hasieran, Iturritxikin egon zen, ... eta 1989. urtetik Enparan Dorretxean du egoitza.
Asko aldatu dira liburutegiaren izaera eta edukiak urte hauetan guztietan, herria eta gizartea aldatu diren heinean. «Literaturaren eta teknologiaren bilakaerak eragin zuzena izan dute bai liburutegiaren garapenean, bai espazioaren erabileran. Izan ere, Azpeitiko Udal Liburutegia bizirik dagoen erakunde publiko bat da, herritarrekin eta herritarrentzat eraikitzen ari dena etengabe», adierazi dute arduradunek.
60 urte hauek ospatzeko egitarau zabala prestatu dute eta hori guztia «herriko eragileekin elkarlanean» egin dela nabarmendu dute. «Liburutegian errotuta dago elkarlana, eta etorkizunean ere elkarlan hori indartzen eta hazten joatearen aldeko apustua egingo dugu», adierazi dute urteurreneko egitarauaren aurkezpenean, bide batez, herritarrak ekitaldietara gonbidatuz.
Egitaraua
Atzo, Poesiaren Nazioarteko Egunean, hasi ziren urteurreneko ekitaldiak Liburutegian eta maiatzaren 8ra bitartean, irakurketa saioak, ipuin kontaketak. literatura solasaldiak edo hitzaldiak izango dira (egitaraua webean ikus daiteke).
Antolatutako saioetan parte hartu nahi dutenek aurrez izena eman beharko dute aforo kontua dela-eta. Horretarako 943 15 71 95 zenbakira deitu edo WhatsApp bidez 688 815 506 telefonora zuzendu daiteke apuntatzeko.
¿Tienes una suscripción? Inicia sesión
