Azkoitia

Laminetako koban, espeologia eginez

Anaitasuna M.B.-ko kideek espeologia irteera batean parte hartu dute asteburuan. Milloi mendatearen azpiko Laminetako koba bisitatu dute, Lekeitio eta Berriatua herrien artean. Hala, parte-hartzaileak gure inguruko txoko eta altxor ezkutuetan barrena ibili ziren natura beste ikuspegi batetik ezagutzeko. Bestalde, Anaitasunak antolatuta, ostiralean, hilak 24, Paulina Biegun eskalatzaile eta alpinista poloniarrarak 'De la roca a la resiliencia' izeneko documental-hitzaldia eskainiko du 18:00etan, Elkargunean (sarrera doan). Nacho Uliaquek zuzendu du dokumentala, eta Biegun mendiko istripu larri baten ondorioz heriotzaren atarian utzi zuen gertakariaren esperientzia kontatzen du. Proiekzioak eta protagonistarekin solasaldiak osatuko dute ekitaldia.