Azkoitia

Igandera arte, zabalik da erakusketa

Inazio Iriarte 42. Kale Margo Lehiaketako hamabi artelanak daude ikusgai Portaleburu erakusketa aretoan. Asteburu hau izango da margolanak ikusteko azkena. Igandera bitartean, artelanez gozateko aukera izango da. Gaur, ostirala, 18:00etatik 20:00etara egongo da zabalik herriko plazako aretoa; larunbatean, 12:00etatik 14:00etara eta 18:00etatik 20:00etara irekiko dute; eta igandean, berriz, 12:00etatik 14:00etara. Abuztuaren 17an egin zuten lehiaketa. Portugaleteko Jose Luis Lopezen lanak irabazi zuen lehen saria, 'Azkoitiko plaza' izenburuko margolanarekin.