Ezkio

'Uzta babesten eta artoarekin jolasten' familia tailerra bihar Igartubeitin

Asteburu honetan ospatuko den Gipuzkoako errota egunaren programazioan parte hartuko du aurten ere Igartubeiti baserri museoak, familia tailer bat antolatuz, non artoaren hostoak erabiliz panpinak egingo dituzten eta bestalde uzta babesteko txorimaloak baratzean jarriko dituzten. 4 eta 12 urte bitarteko haurrak dituzten familiei bideratutako jarduera da eta bihar arratsaldean egingo da, 16:30etik 18:00etara bitartean. Prezioa 3 eurokoa izango da haur bakoitzeko. Parte hartzeko aurrez izena eman behar da 943 72 29 78 telefonora deituta edota igartubeiti@gipuzkoa.eus helbide elektronira idatzita.