Ezkio

Meza eta erromeria bihar Kizkitzako amaren eguna ospatzeko

Kizkitzako amaren eguna ospatuko dute bihar itsasoarrek, ohiturari jarraituz, Egun osoko egitaraua antolatu dute aurten ere. Mezarekin emango diote hasiera baselizan (12:00) eta ondoren, erromeria izango da Baltzola eta Andonegiren eskutik (13:00). Bazkal ostean (14:00) erromeriak jarraituko du arratsalde osoan zehar (16:00). Toka lehiaketa ere izango da (17:30) eta Itsasora itzulera egingo dute 20:30ean.

Kizkitzan ez ezik, Mandubiko bentan ere erromeria giroa egongo da Imanol Intxausti eta Iñaki Larrañagaren eskutik. Eguna amaitzeko, Itsason afaria egingo dute Ostatun (21:30) Baltzola eta Andonegi trikitilariek lagunduta.