Eskoriatza

2008ko gazteak arduratuko dira San Joan suaz tantaia igo ostean

Ohitura betez, San Joan bezpera festa giroan ospatuko da bihar Eskoriatzan. Arratsalde-gau parterako prestatuko den egitaraua 18:00etan abiatuko da, txorimaloaren bilaketarekin. Ordu horretan parte-hartzaileak Herriko plazan elkartuko dira txorimaloaren bila joateko eta datorren urterako lore-sendorra prestatzeko. 19:30ean, berriz, buruhandiak aterako dira kalera txiki eta ez hain txikien gozamenerako. Iluntzearekin batera, hamarretan 2008an jaiotako herriko gazteek tantaia jasoko dute eta ondoren, San Joan sua ixotzeko ardura izango dute. Ospakizunei amaiera emateko, erromeria izango da txistulariek girotuta.