Edukiontzi berdeen aurkako ekitaldia egingo dute

«Hondakinak nahasteak zaborra sortzen du, arazoa sortzen du», esaten dute Getaria zero zabor taldeko kideak eta herritarrei hausnarketa bat egitera gonbidatu nahi diete. Bereziki edukiontzi berdeen inguruan zera diote, «kontainer berde libreak hondakinak nahasten ditu. Kontainer horrek zaborra sor-tzeko besterik ez du balio, arazoa sortzeko besterik ez. Beraz, ba al dauka zentzurik diru publikoa zaborra sortzeko besterik balio ez duen bitarteko batean xahutzeak? Ba al dauka zentzurik guztion dirua arazoa sortzeko xahutzeak?». Euren esanetan, «esperientziak erakutsi digu kontainer libreak kentzen direnean gaikako bilketan igoera ikusgarria gertatzen dela eta zaborra izugarri murrizten dela. Beraz, kontainer berde deskontrolatua birzikla-tzera». Hau izango da gaurko ekimenaren mezu nagusia eta ekitaldi bat egingo dute eguerdiko 13:00etan. Zabor edukiontziari gerra aldarrikatuz, gerra ideologikoa eta hori irudikatzeko guda dantza bat sortu dute errugbian egiten duten modukoa, haka izenekoa eta hemen ( https://www.youtube.com/watch?v=KSKYnBVC7-Q) ikus daitekeena.