Secciones
Servicios
Destacamos
Danbor eta kupel hotsekin batera heldu da Trumpen legealdi berria, ustez AEB urrezko aroaren arrastoan sartuko duena. «Sebastian bat bada zeruan, Donosti bat bakarra munduan». Antzeko zerbait izango du buruan Trumpek ere: Donald bat badela zeruan, AEB bakarra munduan. Edo alderantziz. Kargu-hartzean presidente ohiak, ... ordezkari politikoak (gehienak eskuin muturrekoak) eta teknologia berrien guruak izan ditu lagun. Ekitaldiarekin batera, meme kriptomoneta propioa kaleratu dute Trumpek eta bere emazte Melaniak, txanpon birtual espekulatiboak. Aro berrian haizeak nondik jo dezakeen iradokitzeko asmoz edo. Txin-txinik gabeko diru hotsak.
Lekutan geratu dira gaurko munduan urrezko txanponak eta material berarekin landutako aroak, Hesiodok aspaldi iragarritakoak. Greziar poetaren urrezko aroan, esaterako, ez legoke gerrarik, lanik, ezta gaixotasunik ere. Jendea amets baketsuan hilko litzateke, bizimodu lasai eta zoriontsua izan ostean, lurrak behar guztiak asetzeko adina ondasun sortuko lituzke. Nekez esan daiteke Trump hori guztia sustatzera datorrenik. Are gutxiago, ekitaldian ondoan izan dituen kideak ikusita. Gauzak horrela, aginte kontuetan, hobeto geundeke kasik algoritmoaren zoriaren esku. Arazoa da algoritmoa kulunkatzen duten eskuak Trumpen ondoan zeudela kargu hartzean. Esaera zaharraren arabera, urrea duenak ezartzen ditu legeak. Akaso horretaz ari da Trump urrezko aroaz ari denean. Oraingoz, behintzat, auzitegien bere aurkako karguak metal herdoildu bihurtu ditu.
¿Ya eres suscriptor/a? Inicia sesión
Publicidad
Publicidad
Te puede interesar
El Diario Montañés
Publicidad
Publicidad
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.