Asteasun mikroalgak ekoitziko dituzte helburu komertzialekin

Asteasun mikroalak helburu komertzialarekin ekoitziko dituen lehen proiektua aurkeztu dute, mikroalga horien konposizio biokimikoa ezagutu eta ostean mikroalgak eskala txikian hazteko eredu bat garatzeko. UPV/EHUk garatutako ereduaren esperimentazio-fasea Algaloop start up-ean egingo da.

Aurkeztu berri den proiektuak 'Mikroalgak laborategian eta eskala pilotuan hazteko ereduaren pilotajea' du izena eta Eusko Jaurlaritzaren arrantza-eremuko tokiko ekintzarako laguntzen programaren barruan kokatua dago. Euskal Herriko Unibertsitateko Kultibatutako Mikroalgen Euskal Bildumari(BMCC) eman zitzaion.

Euskadin helburu komertzialekin mikroalgak ekoizteko lehen proiektua izango da eta abiapuntu modura Chlorella vulgaris, Haematococcus lacustris eta Arthrospira platensis espeziekin izango da, mikroalgak ekoizteko prozesuetan ohikoak hiruak ala hiruak eta emaitza komertzialak egiaztatuak dituztenak.

Hala, etorkizunean elikadura, nutrazeutika, kosmetika natural eta bioongarrien sektoreetan erabiltzea ahalbidetu nahi da. Pigmentuak, aminoazido libreak edo elikaduran interesa duten lipidoak bezalako konposatuak ebaluatuko dira laboreetan.

Sergio Seoanek, Kultibatutako Mikroalgen Euskal Bildumako (BMCC) zuzendariak, hauxe azaldu du: «Proiektu hau mikroorganismo horiek balorizatzeko eta etorkizunean eremu askotan baliabide-iturri bihurtzeko bildumatik egiten ari diren ekimenen barruan kokatzen da». Nekazaritzan, medikuntzan edo kosmetikan erabil daitezkeen konposatu bioaktiboak bilatzea da bildumaren jarduera nagusietako bat.

Aurkezpen ekitaldian izan ziren Leandro Azcue Agirre, Eusko Jaurlaritzako Arrantza eta Akuikulturako zuzendaria; Peli Manterola, Haziko zuzendari nagusia; Joseba Argoitia Vila, CaixaBankeko Ipar AgroBankeko zuzendaria; eta Maria Pilar Legarra, Asteasuko alkatea; Sergio Seoane, UPV/EHUko irakasle eta proiektuko ikertzaile nagusia; eta Anaut Patterson, Algaloopeko CEOa.

• Temas
• EHU
• Zabalik