Ekain Orobengoa, Donosti Cup txapelketako jokalari onena

Ekain Orobengoa Arbelaitz Oiartzungo gaztea bikain ibili da bukatu berri den futboleko denboraldian. Kiribilaren kiribila bukatu berri den Donosti Cup txapelketan jarri du, izan ere jokalari onenaren garaikurra eraman du etxera.

Baina has gaitezen denboraldiaren hasieratik. Kostkas taldeko jokalari oiartzuarra Gipuzkoako txapelduna izan da aurten bere taldekideekin batera eta Euskadiko txapeldunorde. Egindako lana goraipatzeko, Orobengoari Kostkas-eko jokalari onenaren saria eman zioten bere taldekideek.

Realera

Era berean, Realak deituta, Aste Santuan Lemoako txapelketan irabazle izan zen. Bestalde, Euskadiko selekzioarekin Murtzian izandako txapelketan ere parte hartu zuen oiartzuarrak. Ekainean jokatu zen Mariñoko txapelketan ere lehen saria eraman zuen.

Orobengoak datorren denboraldian Realarekin jokatuko du. Bere urratsak gertutik jarraituko ditugu, bai horixe!