Zumaia

Esku pilota eta pala txapelketek badituzte irabazleak

Esku pilota eta pala txapelketek badituzte irabazleak. Ostiralean jokatu zituzten herri mailako esku-pilota txapelketako azken partidak Odieta pilotalekuan, sanpedroetako programaren baitan. Finaleko norgehiagoka luzea eta oso berdindua izan zen 17nako berdinketara iritsi arte. Azkenean, Peio Etxabek eta Jon Alkortak osatutako bikoteak jantzi zuen aurtengo txapela, Unai Etxaberi eta Unai Beristaini 22-17 irabazita.

Aurretik, hirugarren eta laugarren postuak erabakitzeko partida jokatu zen, non Markel Zearretak eta Eritz Olaizolak osatutako bikoteak 11-22 irabazi zion Jokin Beistainek eta Iñigo Tumasek osatutakoari.

Zumaiako Emakumeon* Etxeak antolatutako VII. Emakumeen binakako pala txapelketako finala, berriz, bi egunetan eta bi kategoriatan jokatu zen, Odieta pilotalekuan. Maila aurreratuko finala ostegunean izan zen, Eneritz Mitxelenak eta Naiara Mitxelenak osatutako bikoteak Mariana Baud eta Leire Mendizabal gainditu zituen 5-22ko emaitzarekin.

Larunbatean, aldiz, hasiberrien finalean, Oihane Etxaide eta Maddi Etxabe oikiarrek nagusitu ziren Amaia Furones eta Maitane Furonesen aurka, 11-22ko emaitzarekin.