Udal liburutegiaren araudia eta zerbitzuak gogoan

Liburutegia. Anduaga Etxeko beheko solairuan. / GALILEA
Liburutegia. Anduaga Etxeko beheko solairuan. / GALILEA

GALILEA EZKIO.

Herriko udal liburutegiak zerbitzu anitzak eskaintzen ditu eta, hauek gogoratzeaz gain, azken Udal Osoko bilkuran onartutako araudia plazaratzea garrantzitsua ikusi du Udalak, eskainitako informazioak honen zerbitzuak eta betebeharrak ere gogoratuz.

Astelehen, asteazken eta ostirala arratsaldeetan zabalik dago udal liburutegia, arratsaldeko 17:00etatik 20:00ak bitartean, hau Anduaga etxeko beheko solairuan dago kokatuta. Liburutegiak zerbitzu ugari eskaintzen ditu: kontsulta eta irakurketa, liburu eta ikus-entzunezkoen mailegua, edozein dokumentu bilatzeko laguntza, liburuen erreserba (bertako eta beste liburutegikoak) edota KzGunea.

Mailegu zerbitzuari dagokionez, bazkide txartela beharrezkoa da maileguak egiteko; doakoa da eta Euskadiko liburutegien sareko liburutegi guztietarako balio du. Bazkideko, gehienez bostna liburu eta CD/DVD/Bideo eraman daitezke. Epea, bai liburuentzat eta baita DC/DVD/bideoentzat ere, 30 egunekoa izango da. Liburuen epea luza daiteke liburuzainari jakinaraziz, eta liburuak erreserbatu daitezke. Maileguan dagoen liburua edo DVDren bat galtzen bada, erabiltzaileak berdin bat ekarri beharko du.

Araudia

Ekainean ospatutako Ezkoiko azken Udal Osoko Bilkuran, liburutegiaren araudia zehaztu zen, zazpi arau zerrendatuz, jakinda egonda ere, hauek gogoratu egin behar izan bai dira.

Hasteko, liburutegian isilik egon behar dela gogoratzen da. Sei urtetik beherako haurrek pertsona helduren batekin egon behar dutela ere esaten da; mugikorra, irratia eta beste edozein erreproduzitzaile erabiltzea debekaturik dago; ezin da jan, edan edo erre; altzariak, tresnak eta ekipoak beren lekuetatik mugitu edo gaizki erabiltzea galarazita dago; bizikleta, patin eta ume-kotxerik ezin dira sartu; eta zerbitzuaren funtzionamendu egokia mantendu behar da.

Temas

Ezkio

Contenido Patrocinado

Fotos

Vídeos