Ezkio

Mus txapelketa eta parrilla festa, gaur, Itsasoko San Bartolome jaietan

Giro ederrean jarraitzen dute Itsason San Bartolome jaien ospakizunek eta asteburu honetan ere izango dira makina bat ekitaldi. Hala, gaur ostiralarekin, 16:00etatik aurrera, 21:00etan parrilla festa egingo da eta, ondoren, Alaiki taldearen emanaldia.

Bihar, berriz, mendi bizikleta martxa egingo dute 16:30etan. Gainera, 19:30ean paella lehiaketa herrikoia hasiko da eta gauean, 21:00etatik aurrera, Dj Iñigo Etxenikerekin dantzaldia.

Igandean, meza izango da 11:00etan, ondoren txarangak alaituko du giroa eta 13:00etan herriko ondareari buruzko emanaldia eskainiko da.

San Bartolome jaiak hala bukatuko badira, ere itsasoarrentzat izango da gero beste hitzordu garrantzitsu bat. Izan ere, Kizkitzako Amaren Eguna ospatuko dute irailean.