Borrar
Ohitura zaharrari eutsiz, Santa Ageda bezperako koplen emanaldi berezia egingo dute otsailaren 2an Itsason.
Matxinbentako festak eta Santa Agedako koplak ate joka Itsason

Ezkio

Matxinbentako festak eta Santa Agedako koplak ate joka Itsason

Datorren larunbatean koplak sortzeko egingo duten tailerrean parte hartzera gonbidatzen dituzte herritarrak

Cristina Limia

Ezkio-Itsaso

Martes, 21 de enero 2025, 20:10

Itsasoko batzordeak urte berri honen lehen txanpan egingo dituzten ekintza anitzen berri eman dute.

Hasteko, datorren larunbatean Santa Ageda bezperako koplak sortzeko tailerra egingo dute, 18:00etan, Udaletxeko Ganbara Aretoan.

Urtarrilaren 31tik otsailaren 5era Matxinbentako festak ospatuko dituzte. Prestatutako egitarauan mus txapelketa, haurren-tzako jolasak, Iago Magoaren ikuskizuna, eskuzko pilota partidak, herri kirolak, meza bereziak... ageri dira eta nola ez, bertso-afaria. Azken hau otsailaren 1ean izango da, 21:00etatik aurrera, beheko tabernan, Jexux Mari Irazu eta Unai Izagirre bertsolariekin eta Garixe eta Maltzeta trikitilariekin. Afarian izena emateko azken eguna urtarrilaren 30a izango da eta 943 88 63 15 telefono zenbakira deituz egin behar da.

Ohiturari eutsiz, otsailaren 2an, Santa Ageda bezperako kopla emanaldia egingo dute, 13:00etan, Itsasoko Ostatuan.

Inauteriak, irakurketa taldea...

Martxoaren 1ean, inauteriak izango dira protagonista, 19:30ean hasita, Itsasoko Ostatuan egingo diren jolas eta ondorengo afariari bereziaren bitartez.

Martxoaren 8an Emakumeen Nazioarteko Egunaren ospakizunarekin bat egingo dute Itsason bi ekintzen bidez. Egun horretan, bazkaria egingo dute Ostatuan eta martxoaren 1etik 8ra emakume sortzaileen erakusketa bat jarriko da ikusgai Ostatuko sarreran.

Martxoaren 20an, irakurketa taldeak hitzordu berria izango du, 18:15ean, Ganbara Aretoan. Parte hartzaileek Beñat Sarasolaren 'Coca-cola bat zurekin' liburua izango dute hizpide.

Apirilaren 5ean, azolan saio bat burutuko dute. Herritarrak Itsasoko herriguneam elkartuko dira14:30ean, guztien artean egun horretarako adosten diren lanak aurrera eramateko.

Ekintza bakoitza iristear dagoenean, zehaztasun gehiago eskainiko dituzte.

Publicidad

Publicidad

Publicidad

Publicidad

Esta funcionalidad es exclusiva para suscriptores.

Reporta un error en esta noticia

* Campos obligatorios

diariovasco Matxinbentako festak eta Santa Agedako koplak ate joka Itsason