Euskadik Florentziari eman dio 2024ko Tourreko irteerarako erreleboa

Vingegaarden garaipenarekin amaitu zen igandean Eliseo Zelaietan Tour-aren azken edizioa. Euskal Herrian hasi eta hiru astetan 3.400 kilometro egin ondoren. Besteak beste, bi txirrindulari euskaldunen garaipenarekin gozatu ahal izan dute zaletuek. Pello Bilbaok eta Ion Izagirrek lortutakoak.

Pariseko azken etaparen ondoren, eta tradizioak adierazten duenez, hurrengo Tourreko irteera hartuko duen egoitzak lekukotza hartzen du, garaikurra jasoaz. 2024ko Grand Départa Florentzia Emilia - Romañatik abiatuko da, eta bertako ordezkariek lekuko hori jaso zuten. Hain zuzen, Juan Mari Aburto Bilboko Alkateak 'Trophy Tour' delako garaikurra eman zion Dario Nardella Florentziako Alkateari.

Pariseko ekitaldian Euskadiko Tourraren Irteera Handiaren hiru etapak antolatu dituzten euskal erakundeetako (Eusko Jaurlaritza, hiru Foru Aldundiak eta EAEko hiru hiriburuak) ordezkariak izan ziren, besteak beste Xabier Ochandiano, Bilboko Udaleko Garapen Ekonomiko, Merkataritza,

Turismo eta Enplegu Saileko zinegotzia eta Iker Goiria, Gipuzkoako Foru Aldundiko Turismo Zuzendaria. Guztiek proiektu handi honen balantze positiboa egin zuten eta egun horietan Bizkaian, Araban eta Gipuzkoan tropela jai giroan animatzen buru-belarri aritu ziren herritarrei, eskerrak eman zizkieten.

Izan ere, lehenengo kalkuluen arabera, milioi bat pertsona inguru atera ziren kalera Tourraren Euskadiko Irteera Handiaren asteaz gozatzeko. Hiru etapek 840.000 lagun inguru bildu zituzten, eta horiei gehitu behar zaizkie taldeen aurkezpenaz gozatu zuten beste 30.000 pertsona eta Fan Parkean ibili ziren beste 106.300 lagun.

Temas

• Tour de Francia 2023