Gaur hasiko da 'Hitzetik hortzera'

Gaur itzuliko da ETB-1era bertsoei buruzko telebista saioa. Denboraldi honetan ostiraletan, ordutegi nagusian, emitituko da, 21:00etan hasita. Igandeko bazkalosteetan ere ikusi ahal izango da. Lehenengo saio honetan, Iruñeko Bertsoaroa ekimeneko hainbat pasarte emango dituzte. Aldaketarekin itzuliko da 'Hitzetik Hortzera'. Hasteko, ez da platorik egongo, eta beraz, Jon Artano zuzendari eta aurkezlea batetik bestera ibiliko da bertsolaritzaren inguruko istorioen bila. Modu horretara, protagonistak euren habitatean harrapatuko ditu saioko lantaldeak. Eta ohi bezala, plazaz plaza bildutako bertso saioak ikusiko dira.